كتب / عبدالرحمن مؤمن عبدالحليم
هو الصدق والمحبة والصداقة الحقيقية غايبة فعلا عن ناس كتيرة ناس كثيرة جداً تلاقيها أول ما تشوف بعضها من بعيد يقول بابتسامة زائفة أهلا حبيب قلبى أو حبيبة قلبى وهاتك يا بوس ويا أحضان وبعد ما يسيب اللى كان بيبوسه ويحضنه وينافقه يتكلم عنه بأفظع أسلوب ويتهمهبأفظع الإتهامات مش عارف ليه كدا ليه التعامل بوشين ليه الناس بتكلم على بعض كدا الخوض فى الأعراض بقت أبسط حاجة عند ناس كتير كام مرة فى اليوم بنسمع كلمة دى بنت شمال لمجرد أن بنت ضحكت أ و أبتسمت بأسلوب عادى وبقى أبسط حاجة شخص يتهم واحد أنه خاين وعميلللإمريكان وكل طرف يخون التانى وأمريكا وإسرائيل تضحك اللى شمتان وهو شايف العرب والمسلمين بيخونوا ويضربوا وبيقتلوا بعضهم الكلام اتقال كثير جداً وكلنا حاسيين أننا تائهين حاسيين بغربة فى بيوتنا بعد ما أغلبنا نسى السؤال عن أهله وناسه خلى أغلب علاقته باهله فون ونت والزيارات بقت للأهل قليلة حتى البيت الواحد نفسه بقى متفكك تايه تلاقى الواد من دول قاعد على النت لو أمه طلبت منه يجيب حاجة من تحت بيتهم علي طول يصورها إنه عنده شلل رعاش فى حين لو بنت كلمته فون قالتله الحقنى فى شاب بيضاقنى من كذا يوم تلاقيه قفز علي طول وعمل فيها عنتر شايل بشلته ومطوته وكل ادوات الانحراف معاه جاهزة وتلاقى أمهات كتيرة برضه قاعدة على النت ساعات كتيرة جداً يجى الواد يكلمها تقوله امشى روح لأبوك حل عن دماغى يروح لأبوه يلاقيه بيكلم زميلته فى الشغل فى التيلفون ويقوله غور من وشى دلوقتى
طب الواد هيروح فين غير لأصدقاء السوء او لبنات السوء او للمواقع الإباحية او للإدمان أو على الأقل يكون تافه لا ليه راى ولا ليه شخصية لماذا الواحد لو شاف فى نفسه خطا بيسيب نفسه تغلط مرة واثنين وثلاثة دون ما يحاسبها
ويا ترى هتفضل كتير كدا من غير حساب ؟
لا وإيه مستغربين لماذا نفوسنا علي طول عايشة فى ضيق ؟
أقولكم حاجة حتى المحترم منا عايش فى ضيق لأنه ساكت على الغلط لنه مش بيعمل دور توعية حقيقية بأسلوب هادى وراقى عشان يوصل رسالته
بر الوالدين رسالة إعادة كيان الأسرة للتصدى لسلبيات المجتمع كل حسب تخصصه لكن أحنا فالحين نتكلم ونوعظ وفى داخل كل واحد منا ضعف فى شى أو نتقض ونسلخ فروة بعض فى الغيبة والنيمة والعياذ بالله
طبعا كلنا بشر بنصيب ونخطئ لكن لازم نتعلم تصحيح الأحطاء والمواجهة
لازم الكل يتحرك وناخد بإيد بعض وندعو الله : اللهم طهر قلوبنا من النفاق وأعمالنا من الرياء والسنتنا من الكذب وأعيننا من الخيانة أنك تعلم خائنة الأعين وما تخفى الصدور .
وياسلام لو ندعى كلنا لبعضنا بظهر الغيب يعنى سرا بينا وبين الله وترد الملائكة ولك بمثل مش تلاقى واحد يشوف واحد صاحبه أنتيمه ناجح فيقول إيه دا فلان الفلانى صاحبى عنده طاقة جبال وامل كبير فى الحياة وبيضحك علي طول فى وشوش الناس لحد ما تلاقى الشخص الناجح رقد فى البيت ووشه اتلوح و ضحكته خبطتها الحسد والغل أو خلاص بقى على وش ولادة قصدى على وش هياكل عظمية طب ياللى بتحسد او بتطلع اشاعات على الناس ليه ما بستعمل طاقتك وصحتك فى أنك تعمل حاجة مفيدة ليه مش بتحب روح التعاون والمحبة الحقيقة عشان متخسرشى الدنيا والآخرة مع أنك لو بطلت غل وقر على خلق الله هتبقى برده شخصية ناجحة بجد مش ناجحة على ما تفرج آخر شى بعد المنشور دا تجد اناس داخلة على الخاص تقولى مين مزعلك وأنا أربيه او الاقى حد يقولى ليه كدا يا عبدالرحمن مكنشى العشم أو الاقى حد يقولى ويقولى كلام كان الكلام مقصود بيه حد معين أو كانى بتكلم عن تجربة شخصية وانا بقول للكل أقسم بالله العلى العظيم رب العرش العظيم ما قصدت بكلامى حد معين نهائى الكلام هذا واقع مرير فى حياتنا لازم نغيره جميعاً بالاستعانة بالله والإستغفار ونكون كلنا ايد واحدة بجد فى مواجهة الفساد الأخلاقى والامية الثقافية والعلمية والمواجهة تكون بالحكمة والموعظة الحسنى بثورتنا الأخلاقية العلمية ليس مجرد حلم ولا مجرد كلام ولا يوجد مستحيل فقط نحتاج لإخلاص نوايا أكتر وربنا يعلم ان فيه نا س كثيرة قلوبها عمرانة بالخير بس محتاجة ناس كمان وكمانتكون صحبتهم وقلوبهم طيبة أو عندها استعداد تكون طيبة وتتغير للأفضل تعالوا نرفع شعار معا للتغيير الى الفضل دائما بالفعال لا بالأقوال ولنتذكر حديث النبى محمد عليه أفضل الصلاة والسلام فيما معناه الخير في وفى أمتى الى يوم القيامة أشكركم وأتمنى منكم التفاعل الحقيقى بعد هذا المنشور لما فيه صالح التغيير لانفسنا جميعا سويا والتغيير للافضل ثقافيا وعلميا لمجتمعنا وامتنا العربية والاسلامية .
